அன்பர்களே,
நீங்கள் திருமந்திரத்தின் ஒரு மந்திரத்திற்கான பொருளையும், அதன் யோக–ஆகம–தந்திர விளக்கத்தையும் வாசித்துள்ளீர்கள்.
ஆனால், உங்களிடம் ஒரு கேள்வி…
திருமந்திரத்தைப் பற்றி அறிந்தீர்களா?
அல்லது
திருமந்திரத்தை அனுபவிக்கத் தொடங்கிவிட்டீர்களா?
இவை இரண்டும் ஒன்றல்ல.
திருமூலர் அருளிய ஒவ்வொரு திருமந்திரமும், வெறும் பாடல் அல்ல; ஒரு வருட தவத்தின் அனுபவச் சுருக்கம். அந்த அனுபவத்தை வெறும் வாசிப்பால் மட்டுமே முழுமையாகப் பெற முடியாது. அறிவு வழியைக் காட்டும்; ஆனால் சாதனையே அந்த வழியில் நம்மை நடத்தும்.
அதனால்தான், எமது குருநாதர் அகஸ்திய குலபதி ஸ்ரீ ஸக்தி சுமனன் அவர்கள், திருமந்திரத்தை வெறும் நூலாக அல்ல, வாழ்வாக மாற்றும் ஒரு தனித்துவமான சாதனை முறையாக திருமந்திர எழுத்துச் சாதனையை வகுத்துத் தந்துள்ளார்.
இந்த எழுத்துச் சாதனை என்பது,
ஒரு புத்தகத்திலிருந்து இன்னொரு புத்தகத்திற்கு சொற்களை நகலெடுக்கும் செயல் அல்ல.
இது,
நாள்தோறும் ஒரே ஒரு மந்திரத்தை மட்டுமே எழுதும் இந்த ஒழுக்கம், மனத்தின் அவசரத்தைக் குறைத்து, பொறுமையையும், கவனத்தையும், உள்ளுணர்வையும் வளர்க்கிறது. காலப்போக்கில், திருமந்திரம் ஒரு நூலாக உங்கள் கையில் இருப்பதில்லை; அது உங்கள் சிந்தனையிலும், சொல்லிலும், செயலிலும் வெளிப்படத் தொடங்கும்.
திருமந்திரத்தைப் படித்தவர்கள் பலர் இருக்கலாம்.
திருமந்திரத்தை வாழ்ந்தவர்கள் சிலரே.
அந்த அரிய சாதகர்களின் வரிசையில் நீங்கள் இணைவதற்கான அழைப்பே திருமந்திர எழுத்துச் சாதனை.
நீங்களும் இந்த அருள் யாத்திரையில் இணைந்து,
ஒவ்வொரு நாளும் ஒரு மந்திரம்,
ஒவ்வொரு மந்திரத்திலும் ஒரு புதிய விழிப்பு,
ஒவ்வொரு விழிப்பிலும் சிவத்தை நோக்கிய ஒரு புதிய படி எடுத்து வையுங்கள்.
வாருங்கள்!
திருமந்திரத்தை வெறும் வாசிப்பதிலிருந்து, அதை வாழும் ஆன்மிகப் பயணத்திற்கு ஒன்றாக முன்னேறுவோம்.
திருமந்திர அரண்மனை – உலகளாவிய திருமந்திர குருகுலம்
திருமந்திர எழுத்துச் சாதனையில் இணைந்து கொள்ள விரும்புபவர்கள், கீழ்வரும் விண்ணப்படிவத்தை நிரப்பி திருமந்திர அரண்மனை திருமூலர் குருகுலத்தில் இணையுங்கள்.
📝 விண்ணப்படிவம் →
திருமந்திரப் படிக்கட்டு - 07
சிவசிவ! மெய்யன்பர்களே!
பரசிவத்தின் பொன்னொளி எங்கே இருக்கிறது, அது எத்தகையது என்பதை ஆறாவது படிக்கட்டில் உணர்ந்தோம்.
இப்போது, திருமூல நாயனார் செதுக்கிய ஏழாவது படிக்கட்டில் ஏறத் தயாராகுங்கள்.
இந்த ஏழாவது படி, யோகப் பாதையில் தங்களை 'பெரிய சாதகன்' என்று எண்ணிக்கொண்டு, அஹங்காரத்தால் திளைக்கும் 'ஆர்வக்கோளாறு' சாதகர்களின் ஆணவ மலத்தை அறுக்கும் ஒரு எச்சரிக்கை மணி! "நான் சக்கரத்தை இயக்குகிறேன்", "நான் குண்டலினியை எழுப்புகிறேன்" என்று மார்தட்டுபவர்களுக்கு இது ஒரு ஞானச் சவுக்கடி.
அந்த மகா மந்திரம் இதோ:
யவனன்றிச் செய்யு மருந்தவ மில்லை
யவனன்றி மூவரா லாவதொன் றில்லை
யவனன்றி யூர்புகு மாற்றி யேனே. (07)
அவன் இன்றி செய்யும் அரும் தவம் இல்லை;
அவன் அன்றி மூவரால் ஆவது ஒன்றில்லை;
அவன் அன்றி ஊர் புகும் ஆறு அறியேன் ஏ.
யோக சாதனையில் மிக நுட்பமான ஒரு விஷயம் உண்டு. முயற்சி நம்முடையது, ஆனால் முடிவும் பலனும் அவனுடையது. இதை நான்கு அடுக்குகளில் திருமூலர் விளக்குகிறார்:
ஆதார ரகசியம் (அவனை ஒழிய அமரரும் இல்லை): பிரபஞ்சத்தில் நாம் காணும் அத்தனை தெய்வ சக்திகளும், அந்தப் பரசிவப் பேரொளியில் இருந்து தெறித்த சிறு பொறிகளே. அந்த மூலப் பொருளைத் தவிர்த்துவிட்டு மற்றைய தெய்வங்களை நாடுவது, வேரை மறந்துவிட்டு கிளைகளுக்கு நீர் ஊற்றுவது போன்றது.
சாதனை ரகசியம் (அவன் இன்றிச் செய்யும் அருந்தவம் இல்லை): நீ எவ்வளவு கடினமான தவம் செய்தாலும், அதில் அவனது 'அருள்' எனும் அம்சம் கலக்காவிட்டால், அது வெறும் உடல் மனப் பயிற்சியே தவிர யோகம் அல்ல. உனது முயற்சியைத் தொடங்குவதற்கும், அதைத் தொடர்ந்து நடத்துவதற்கும் அவனது அணுமதி தேவை.
செயற்பாட்டு ரகசியம் (அவன் அன்றி மூவரால் ஆவது ஒன்றில்லை): படைத்தல், காத்தல், அழித்தல் எனும் முத்தொழில்களைப் புரியும் அயன், அரி, அரன் ஆகிய மூவருமே சிவக் கிரியையைச் செய்யும் கருவிகள் (Instruments). இயக்குபவன் ஒருவன், இயங்குபவர் மூவர்.
முக்தி ரகசியம் (அவன் அன்றி ஊர் புகும் ஆறு அறியேன்): இங்கே 'ஊர்' என்பது நாம் அடைய வேண்டிய சஹஸ்ராரப் பரவெளி. 'ஆறு' என்பது ஆதாரங்கள் (சக்கரங்கள்) மற்றும் சுழுமுனை நாடி. அவனது அருள் எனும் துணை இல்லாமல், இந்த ஆறு ஆதாரங்களைக் கடந்து, அந்தப் பரசிவ ஊருக்குள் நுழையும் வழி எவருக்கும் தெரியாது.
அன்பர்களே! இந்தப் பாடல் யோகப் பாதையில் இருக்கும் ஒரு மிகப் பெரிய மாயையை (Illusion) உடைக்கிறது. அதுதான் "நான் செய்கிறேன்" என்ற கர்த்தா-பாவம்.
தடை: "நான் தவம் செய்கிறேன், நான் பலன் அடையப் போகிறேன்" என்ற அஹங்காரம் தியானத்தில் அழுத்தத்தை (Pressure) உண்டாக்கும். இந்த அழுத்தம் இருக்கும் வரை மனம் லயமாகாது.
தீர்வு: "அவன் செய்விக்கிறான், அவன் அருளால் நான் அறிகிறேன்" என்ற சரணாகதி நிலை. எப்போது "நான்" என்ற பாரத்தை இறக்கி வைக்கிறீர்களோ, அப்போது மனம் இலகுவாகும்; தியானம் இயல்பான ஓட்டமாக மாறும்.
சாதனைப் புரிதல்: பொதுவாக சாதகர்கள் இரண்டு தவறுகளைச் செய்வார்கள்:
முயற்சி மட்டும் போதும்: அஹங்காரத்தால் தவம் செய்வது. இது சோர்வைத் தரும்.
அருள் மட்டும் போதும்: முயற்சி இன்றி அமர்ந்திருப்பது. இது சோம்பலைத் தரும்.
உண்மை நிலை: உனது கடும் முயற்சி எனும் திரியில், அவனது அருள் எனும் தீக்குச்சி பட்டால் மட்டுமே 'ஞான ஒளி' பிறக்கும்.
தனியான தெய்வம் இல்லை; தனித்த தவப் பலன் இல்லை; அவன் இன்றி முக்தி மார்க்கமும் இல்லை. அனைத்திற்கும் ஆதிமூலம் சிவமே என்று உணர்ந்து, அஹங்காரத்தைத் துறப்பதே சஹஸ்ராரத்தை அடையும் எளிய வழி.
இந்தத் தெளிவு பிறந்துவிட்டால், நீங்கள் ஏழாவது படியைக் கடந்துவிட்டீர்கள்!
சிவசிவ!